प्रतिनिधि सभा निर्वाचन २०८२ अन्तर्गत गोरखा क्षेत्र नम्बर १ को मतगणनामा निकै रोचक र तीव्र प्रतिस्पर्धा देखिएको छ। प्राप्त ताजा मत परिणाम अनुसार नेपाली कांग्रेस र राष्ट्रिय स्वतन्त्र पार्टी (रास्वपा)का उम्मेदवारबिच झिनो मतान्तर रहेको छ।
यहाँ नेपाली कांग्रेसका उम्मेदवार प्रेम कुमार खत्रीले ४,२६३ मत प्राप्त गरेका छन्। उनलाई राष्ट्रिय स्वतन्त्र पार्टीका उम्मेदवार सुधन गुरुङले कडा चुनौती दिइरहेका छन्। गुरुङले ४,२५९ मत प्राप्त गरेका छन्। खत्री र गुरुङबिचको मतान्तर मात्र ४ मतको रहेको छ ।
त्यस्तै, नेपाली कम्युनिस्ट पार्टीका उम्मेदवार हरि राज अधिकारी २,२८१ मतका साथ तेस्रो स्थानमा रहेका छन्।
